പ്രപഞ്ചത്തിന്റെ ഉല്പത്തിയിൽ ആദ്യമായി ഉണ്ടായതും നശിക്കാത്തതുമായ വസ്തുവാണ് അക്ഷരം.
ഈശ്വരനെ അറിയുവാനുള്ള ഏകമാർഗ്ഗവും അക്ഷരം തന്നെയാണ്.
കലിയുഗത്തിൽ നാമസങ്കീർത്തനമാണ് ഈശ്വരനെ ഉപാസിക്കുവാനുള്ള മാർഗ്ഗമായിട്ട് ആചാര്യന്മാർ നിർദ്ദേശിച്ചിട്ടുള്ളത്.

ഓരോ ജന്മത്തിലും പലതായ പുണ്യ-പാപങ്ങൾ ചെയ്തു പലതരത്തിൽ ഭൂമിയിൽ ജനിച്ചിട്ടുള്ള ജീവജാലങ്ങൾക്കും, വൃക്ഷലതാദികൾക്കും, അവരുടേതായ ദോഷം തീരുന്നതിനായി, മനുഷ്യൻ ഉറക്കെ സഹസ്രനാമം മുതലായത് ജപിക്കണമെന്ന് ശാസ്ത്രങ്ങൾ പറയുന്നു. ഒരു മന്ത്രം തന്നെ ആവർത്തിച്ച് ഭക്തിയോടുകൂടി ജപിച്ചാൽ ആ പ്രദേശത്തുള്ള എല്ലാ ജീവജാലങ്ങളിലും, അതിൻ്റെ പ്രതിധ്വനി ഉണ്ടാവുകയും അതോടുകൂടി എല്ലാ ദോഷങ്ങളും തീർന്ന് സാത്വിക സ്വഭാവത്തോടു കൂടി , ഈശ്വര രൂപികളായി തീരുകയും ചെയ്യുന്നു. ശിവസഹസ്രനാമം ആവർത്തിച്ചു ജപിച്ചാൽ കലിദോഷങ്ങളിൽനിന്നും, മഹാരോഗങ്ങളിൽ നിന്നും, ബ്രഹ്മഹത്യാദി പാപങ്ങളിൽ നിന്നും മുക്തി നേടുന്നു